Тоҷикӣ
Русский
English
Санаи 17-уми апрели соли 2026 тибқи нақшаи кории Раёсати АМИТ дар Институти иқтисодиёт ва демографияи Академияи миллии илмҳои Тоҷикистон бо иштироки намоянда, мутахассиси пешбари Раёсати тайёр кардани кадрҳои илмии Академияи миллии илмҳои Тоҷикистон Абдукаримзода Амин, муовини директор оид ба корҳои илм ва таълим, н.и.и. Ҷалилзода Д.Р., котиби илмӣ, н.и.и. Обидова М.Р. ва масъули бахши докторантура ва магистратура Шарофиддинова Г.Ё. ва мудирони масъули шуъбаҳои илмии Институт раванди аттестатсияи пешакии магистрантони соли дуюми таҳсили Институти иқтисодиёт ва демография ҷиҳати омодагӣ ба аттестатсияи давлатии хатм баргузор гардид.
Бояд зикр намуд, ки дар сатҳи баланд ва сари вақт омода намудани рисолаҳои илмӣ-таҳқиқотӣ аз ҷониби магистрантон барои боз ҳам мустаҳкам намудани донишҳои зарурии назариявӣ тибқи барномаи ихтисоси зинаи таҳсилот муҳим мебошад. Зеро, ҳимояи рисолаи магистрӣ ин марҳилаи ниҳоии аттестатсияи хатм буда, қобилияти амалӣ ва салоҳияти касбии хатмкунандаро ифода менамояд.
Дар раванди аттестатсияи магистрантони ихтисоси Идораи давлатӣ ва Идораи лоиҳаҳо маълум гардид, ки онҳо рисолаҳои худро ба пуррагӣ ҷамъбаст намуда, тибқи муқаррароти умумии “Низомнома дар бораи рисолаи магистрӣ дар муассисаҳои таҳсилоти олии касбӣ ва илмии Ҷумҳурии Тоҷикистон” ба аттестатсияи давлатии хатм омода мебошанд.
Дар раванди чорабинӣ аз ҷониби ҳозирин ба шогирдон бобати тартиботи ҳимояи рисолаи магистрӣ дар назди Комиссияи аттестатсияи давлатӣ дастури методӣ расонида шуд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
