Тоҷикӣ
Русский
English
Санаи 09.04.2026 дар толори Институти иқтисодиёт ва демографияи Академияи миллии илмҳои Тоҷикистон бо мақсади иҷроиши нақшаи чорабиниҳои Раёсати Академияи миллии илмҳои Тоҷикистон бахшида ба даҳаи илм ва Рӯзи илм семинари илмӣ баргузор гардид.
Чорабинии илмиро мудири шуъбаи иқтисодиёти ҷаҳон ва муносибатҳои иқтисоди байналхалқии Институти иқтисодиёт ва демографияи Академияи миллии илмҳои Тоҷикистон, д.и.и., дотсент Каримова Мавзуна ҳусни ифтитоҳ бахшида, зикр намуд, ки аҳамияти рушди илми муосир ва нақши он дар пешрафти ҷомеа бисёр муҳим мебошад.
Сипас, тибқи нақшаи баргузории чорабиниҳои муассиса бахшида ба Рӯзи илм маърӯзаи ходими пешбари илмии шуъбаи иқтисодиёти ҷаҳон ва муносибатҳои иқтисоди байналхалқӣ, н.и.и. Довгялло Яна дар мавзӯи “Женщины Таджикистана в науке” шунида шуд. Қайд карда шуд, ки дар шароити муосир мавқеъ ва манзалати занон ва бонувон дар ҷомеа баланд гардида, имрӯз занону бонувон дар тамоми соҳаҳои иқтисодиёт кор ва фаъолияти пурсамарро пеша бурда истодаанд. Зикр гардид, ки нақши занон дар соҳаи илм низ ба назар мерасад.
Сипас, маърӯзаи ходими пешбари илмии шуъбаи бозори молиявӣ ва идоракунии лоиҳаҳои инвеститсионӣ, номзади илмҳои иқтисодӣ, дотсент Умед Давлатзод дар мавзӯи “Мушкилот ва дурнамои рушди пардохтҳои ғайринақдӣ дар Ҷумҳурии Тоҷикистон” ироа гардид. Зимни маъруза таъкид гардид, ки дар шароити рушди иқтисоди рақамӣ ва татбиқи технологияҳои муосири молиявӣ, густариши пардохтҳои ғайринақдӣ ҳамчун яке аз самтҳои афзалиятноки сиёсати иқтисодию молиявии давлат арзёбӣ гардида, ба баланд бардоштани шаффофияти муносибатҳои молиявӣ, такмили хизматрасониҳои бонкӣ ва рушди инфрасохтори рақамии кишвар мусоидат менамояд. Ҳамзамон, дар ҷараёни рӯнамо масъалаҳои марбут ба тамоюлҳои рушди ҳисоббаробаркуниҳои электронӣ, истифодаи васеи воситаҳои муосири пардохт, таҳкими амнияти рақамӣ ва зарурати баланд бардоштани маърифати молиявии аҳолӣ мавриди муҳокима қарор гирифта, иштирокчиён вобаста ба мавзӯи матраҳшуда мубодилаи афкор анҷом доданд.
Дар охир, чорабинӣ бо музокироти илмӣ ва баҳсу тавзеҳоти асоснок хотима бахшид.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
